Vitoria Ogando Valcárcel - Anxo González Guerra Catedráticos de Lingua Galega e Lit. xubilados @: ogalego@ogalego.gal

ADVERBIO

1.- Sinalar adverbios

2.- Substituír por adverbios en -MENTE

3.- Substituír por adverbios

1.- Sinalar os adverbios e locucións adverbiais e buscar sinónimos de cada un

1. Sen dúbida caerá auga a mares e, ao mellor, nin poderemos ir ao traballo.
2. De camiño que limpas os cadros, podes endereitalos, que torcen abondo.
3. Esa lámpada manda ben pouca luz; ás veces, á tardiña xa parece que é noite pecha.
4. Seica te divertiches moito onte, case era día e aínda non querías ir para a cama.
5. Agora vive lonxe e nunca chega cedo á oficina, mais despois, co de présa que se move, recupera o perdido.
6. Como as queres? –Quéroas moi crúas.
7. Vai de vagar, que Melide está preto e, se corres demasiado, quizais non chegues nunca.
8. Antonte contaba o avó como antano nos fiadeiros sempre había un pillabán que mataba a luz do candil para andar ás apalpadelas.
9. Tamén mo dixo a min de contado. Era entre lusco e fusco e eu estaba alí na solaina sentado á sombra.
10. Non teño gato e tampouco uso raticidas. Aquí nesta casa, os ratos píllanse ás carreiras, logo fáiselles un xuízo xusto e cúmprese a sentencia.
11. Fuches antes alí? –Fun, abofé que me lembro ben!
12. Saíndo á esquerda, á beira da parede é onde deixan decote o lixo.
13. O profesor puxo ceros a eito, fíxoo de mantenta e a tergo porque a avaliación xa está aí.
14. U-las cereixas? Están aí fóra, non as deixei dentro porque ía moita calor; xa que acabaches, adiante, vailles tirando o rabo que eu estou canso e teño que marchar axiña.
15. Para onde vas? –Vou para ningures, sabichón!

Corrección do apartado 1

2.- Substituír as palabras en cursiva por adverbios acabados en –mente

1. Desenvolvíao con rapidez.

2. Pódeo aturar con comodidade.

3. Ídevos colocando con orde e en silencio.

4. Non escribas tan de présa que cometes moitos erros.

5. Por fin, chegaches a conseguir algo.

6. Móvete con coidado, que, segundo a lei, poden procesarte.

7. Fixo a instalación eléctrica sen coidado e agora sofre as consecuencias.

8. Relatou con fidelidade o sucedido, mais só na aparencia, se investigamos ben o sucedido.

9. Andou amañando en segredo o casamento da sobriña co rico do lugar.

10. Nesa casa nunca o trataron con desdén.

11. Ficareiche agradecido para a eternidade.

12. Os soldados irmandiños atacaron con valentía a fortaleza e conseguiron render con prontitude os inimigos.

13. Este traballo hai que realizalo con moito rigor.

14. En realidade, non creo que chegue a dominar o comercio da Ribeira Sacra.

15. Tivo que abrir o forno de novo para limpalo ben.

16. En resume, cómpre abrir aquí a conta corrente para obter un empréstito.

Corrección do apartado 2

3.-Substituír as palabras en cursiva por un adverbio
Por exemplo, mete iso no interior: mete iso dentro

1. Neste momento xa estou preparado para o exame.

2. É fácil que se cure de todo.

3. Se o fas desta maneira, entenderalo mellor.

4. Píntao da forma que queiras.

5. Bebeu en abundancia e non pode conducir.

6. En todo momento está listo para ir a onde o chamen.

7. Déixao naquel lugar.

8. Non sabes o que me gusta erguerme a primeira hora.

9. Colócamo nesta cadeira.

10. Non sei se irei, o Cebreiro está a bastante distancia.

11. Vou en bicicleta, que Marín está a pouca distancia.

12. Creo que o deixei sobre a mesa.

13. Vai andando sen apurarte para faceres tempo.

14. Naquel tempo, os xornais na vendima eran moi baixos.

15. Naquela sala de Trasalba había grande cantidade de libros.

Foto: Xavier Alcalá, escritor galego, amigo de ogalego.gal ogalego.gal / ogalego.eu 2005-2025

ogalego.gal ten unha licenza Creative Commons Atribución-Non comercial-Compartir igual 4.0 Internacional.